剛易手的波斯富街地舖新舖王，建築面積約二百方呎，現由影音店租用。
【本報訊】本港銅鑼灣區一個近日成交的地舖，不僅再創出本港街舖呎價新高，更問鼎全球街舖呎價「新舖王」。有消息稱，銅鑼灣波斯富街77至83號地下N舖以約一億八千萬元售出，以該舖面積約二百方呎計，呎價高達九十萬元，一呎舖位足以購買新界區新盤車位。
波斯富街地舖 200呎值1.8億
全港地舖最高買賣呎價排名*
市場消息指，該個波斯富街地舖建築面積約二百方呎，以成交價約一億八千萬元計，呎價達約九十萬元，成為全球舖位買賣呎價「舖王」，取代之前同一街道地下K舖二○一二年成交價約一億七千八百萬元，呎價約八十九萬元的舊紀錄。新買家傳為資本策略地產（00497）或有關公司。
上址現由影音店租用，有代理表示，上址適合化妝品店及藥房租用，以九龍表行租用同街一個地舖月租金約33萬元為參考，料是次新舖王租金回報可達約2.2厘，相對現時一線街舖位租金回報不逾兩厘，屬理想水平。
有代理行報告指出，香港核心零售區街舖呎租高企約二千八百元，連續六季蟬聯全球最貴，拋離第二位的美國紐約呎租約三成。租金支持下，香港一線街舖仍不乏捧場客。近年積極轉戰購買英國倫敦商用物業的舖壇投資者黎永滔表示，「倫敦商舖做價之高是全球數一數二，相信是次波斯富街地舖做價為全球最貴。」
土地註冊處資料顯示，新舖王原業主於一○年以約四千八百六十八萬元購入，現轉讓帳面賺約一億三千一百萬元，賺幅近二點七倍。公司註冊處資料顯示原業主公司董事包括陳根源等，與英記茶莊有關人士同姓名。
資深投資者亦入市，今年初，「舖王」鄧成波斥七億六千萬元回購同區軒尼詩道原由國美電器租用的地下部分、地庫及一至三樓巨舖，足見資深商舖投資者對該區一線街舖後市充滿信心。
====================
人地隔離九龍表行賣錶話就話月租33萬，但始終賣高檔貨，比得起33萬租說服力都高啲。仲有就係一日有大陸客，名錶都仲係有需求。反之，新200呎舖王賣影音產品.... 講真你啲貨唔會係啲特別嘅野，間間影音店都可以買到，點解要去你間舖？我去旺角深水埗格下價唔好？再唔係去百老匯豐澤又得。除非間舖比到啲好特別嘅產品或者服務，否則我真係諗唔到點解要去幫襯呢間影音店。就算真係比你有客，先唔計有冇錢賺，究竟一間200呎小店要賣幾多影音產品先可以夠交租呢？
如果有時間我會去研究下究竟呢啲天價舖位要用幾長時間同點payback... 粗略一計，當佢月租一直維持33萬，成交價1.8億，係咁二除一除都計到差唔多要46年先可以回本。此計算方法雖不太準確，亦不遠矣。一項投資要46年之後先可以回本，你制唔制？冇咁多錢代入唔到？咁你可以試諗下，假設我依家叫你比$18,000比我作為投資，我之後每月都會比$33你，比足46年，第47年開始打後你每月就會多$33。今日呢$18,000你會唔會比我？唔會？比我都唔會。但我想知道點解有人會咁做，一定有佢自己獨到的原因。如果話博一博將來再轉手賺升幅都可能講得通，但係你今天已經係舖王，再要打破呢個紀錄唔知要等幾多年。再者間舖得200呎，究竟有咩潛在投資者會垂青呢?
沒有留言:
張貼留言